Бөлүмдөр
Шаршемби, 12-декабрь
Чүй облусуАламүдүн району 27.11.2017 09:36

Аламүдүндөгү тоодон чыккан өрт толугу менен өчүрүлдү

Turmush -  Аламүдүн районунун Таш-Мойнок айыл аймагындагы «Теплые ключи» эс алуу жайынын түштүк-чыгыш тарабындагы тоонун чокусунда чыккан өрт толугу менен өчүрүлдү. Ал жерде куураган чөп жана арчалар өрттөнгөнүн ӨКМдин басма сөз кызматы билдирди.

Өрт 23-ноябрда саат 15:15 чамасында чыккан.

«Кечээ, 26-ноябрда Аламүдүн райондук №1 өрт-куткаруу бөлүмүнөн 35 куткаруучу, жергиликтүү тургундардан 10 адам тартылып, тоодо күйүп жаткан куураган чөп жана арчаларды өчүрүү иш-чарасы жүргүзүлүп, саат 13:45те өрт толугу менен өчүрүлдү. Өрттүн кесепетинен болжол менен 40 гектар жердеги куураган чөп жана арчалар күйгөн», - деп айтылат маалыматта.

Буга чейин Turmush басылмасы Аламүдүн районунун Таш-Мойнок айыл аймагындагы «Теплые ключи» эс алуу жайынын түштүк-чыгыш тарабындагы тоонун чокусунда чыккан өрттү өчүрүү иштери улантылып жаткандыгы тууралуу маалымдаган.

 «24-ноябрь күнү куткаруучулар өрт өчүрүү иш-чараларын жүргүзүп, караңгы киргенине байланыштуу саат 17:40та өрт өчүрүү убактылуу токтотулган. Болжол менен 40 гектар аянттагы кургак чөп жана арча күйгөн. Аламүдүн районунун №1 өрт өчүрүү бөлүмүнөн 35 куткаруучу, жергиликтүү тургундардан 10 адам жана 3 токой чарба кызматкери тартылды. Бүгүн, 25-ноябрда саат 07:30да өрттү өчүрүү үчүн Аламүдүн районунун №1 өрт өчүрүү бөлүмүнөн 35 куткаруучу жөнөтүлдү», - деп билдирди ӨКМдин басма сөз кызматы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×